EAMCET 6th ranker Pranavini met health Minister

Health Minister Lakshma Reddy appreciated EAMCET 6th ranker Jataprolu Pranavini

ఎంసెట్-2 2016 లో ఉమ్మడి మార్కుల్లో 6వ ర్యాంక్ సాధించిన జటప్రోలు ప్రణవిని తెలంగాణ వైద్య ఆరోగ్య శాఖ మంత్రి డాక్టర్ సీ లక్ష్మారెడ్డి అభినందించారు. ప్రణవి తల్లి తండ్రులతో పాటు అచ్చంపేట ఎమ్మెల్యే గువ్వల బాలరాజు బుధవారం రాత్రి హైదరాబాద్ లో మంత్రి ని కలిశారు. ఎంసెట్-2 2016, బీపీసీ విభాగంలో ప్రణవి అసాధారణ ప్రతిభ కనబరచింది. 154 మార్కులు సాధించి, 97.19 శాతం కంబైన్డ్ స్కోర్ తో రాష్ట్రంలో 6 వ ర్యాంక్ సాధించింది. మహబూబ్ నగర్ జిల్లా అచ్చంపేటకు చెందిన ప్రణవి తన తల్లి తండ్రులు, సోదరుడితో పాటు అచ్చంపేట ఎమ్మెల్యే గువ్వల బాలరాజు సహా మంత్రిని కలిశారు.
ఈ సందర్బంగా మంత్రి లక్ష్మారెడ్డి ప్రణవిని అభినందించారు. మంచి ర్యాంక్ సాధించి జిల్లాకే వన్నె తెచ్చావంటూ శాలువా కప్పి, పుష్ప గుచ్ఛం అందించారు. ప్రణవి ప్రతిభ జిల్లాకే కాక మొత్తం రాష్ట్రానికే ఆదర్శమన్నారు. ప్రణవి సాధించిన ర్యాంక్ వెనుకబడిన పాలమూరు జిల్లాకు ప్రేరణగా నిలుస్తుందన్నారు. ఆమెను స్ఫూర్తిగా తీసుకుని విద్యార్థులు బాగా చదవాలని ఆకాంక్షిస్తూ, ప్రణవి తల్లి తండ్రులను కూడా మంత్రి అభినందించారు.