మేనెల‌లో శ్రీ గోవిందరాజస్వామివారి ఆలయంలో విశేష ఉత్సవాలు

తిరుపతి శ్రీ గోవిందరాజస్వామివారి ఆలయంలో మే నెలలో పలు విశేష ఉత్సవాలు జరుగనున్నాయి. వాటి వివరాలు ఇలా ఉన్నాయి.

- మే 1 నుండి 10వ తేదీ వ‌ర‌కు మ‌ధుర‌క‌వి మ‌రియు శ్రీ అనంత అళ్వార్ ఉత్స‌వం.

•⁠ ⁠మే 2న‌ భాష్య‌కార్ల శాత్‌మొర‌ నిర్వ‌హించ‌నున్నారు.

- మే 3న భాష్య‌కార్ల గంధ‌పు పొడి ఉత్స‌వం.

- మే 8న ఉత్త‌ర న‌క్ష‌త్రం సంద‌ర్భంగా సాయంత్రం 6 గంట‌ల‌కు శ్రీ దేవి, భూదేవి స‌మేత శ్రీ గోవింద‌రాజ‌స్వామివారు విహ‌రించి భ‌క్తుల‌ను అనుగ్ర‌హించ‌నున్నారు.

- మే 9 నుండి 11వ తేదీ వ‌ర‌కు బుగ్గోత్సవం.

- మే 12న శ్రీ గోవింద‌రాజ‌స్వామివారి పొన్న‌కాల్వ ఉత్స‌వం.

- మే 16, 23, 30వ తేదీల్లో శుక్రవారాల్లో సాయంత్రం 6 గంటలకు శ్రీ ఆండాళ్‌ అమ్మవారిని ఆలయ నాలుగు మాడ వీధుల్లో ఊరేగింపు నిర్వహిస్తారు.

- మే 19వ తేదీ శ్రవణ నక్షత్రాన్ని పురస్కరించుకుని సాయంత్రం 6 గంటలకు శ్రీభూ సమేత శ్రీ కల్యాణ వేంకటేశ్వరస్వామివారు ఆలయ నాలుగు మాడ వీధుల్లో విహ‌రించి భక్తులను అనుగ్రహిస్తారు.

- మే 27న రోహిణి నక్షత్రం సందర్భంగా సాయంత్రం 6 గంటలకు రుక్మిణి, సత్యభామ సమేత శ్రీపార్థసారధిస్వామివారు మాడ వీధుల్లో ఊరేగి భక్తులను కటాక్షిస్తారు.

- మే 31 నుండి జూన్ 9వ తేదీ వ‌ర‌కు న‌మ్మాళ్వార్ ఉత్స‌వం.